Ֆրիդրիխ Գլազլ

Պրոֆ. Դր. Դր. Ֆրիդրիխ Գլազլ. ծնվել է 1941թ.-ին Վիեննայում: Ուսումնասիրել է քաղաքագիտություն առարկան Վիեննայում:

Ուսման ընթացքում նա աշխատել է տպագրական արտադրությունում, քաղաքացիական միջազգային ծառայությունում (UNESCO) և քաղաքային կառավարման մարմնում: Խորհրդատու է Ցայսթ (Նիդերլանդներ) (Zeist (NL)) քաղաքի «Նիդերլանդների մանկավարժական ինստիտուտի» (NPI) կազմակերպությունների զարգացման ինստիտուտում:

1983թ.-ից «Վափերթալ համալսարանի» (University of Wuppertal) դոցենտ է Տնտեսագիտության և կազմակերպությունների զարգացման ֆակուլտետում:
1984թ.-ից «Թրիգոն» զարգացման խորհրդատվական ընկերության համահիմնադիր:
Մեդիատոր և մեդիացիայի թրեյներ, հրավիրյալ դասախոս Թիֆլիսի համալսարանում:
Հեղինակ է առաջնորդության, կազմակերպությունների և կոնֆլիկտների կառավարման թեմաներով բազմաթիվ հոդվածների:

Հեղինակ է հետևյալ գիտապրակտիկ գրքերի.

  • «Կոնֆլիկտների կառավարում»,
  • «Կոնֆրոնտացիոն հակամարտություն»
  • «Դինամիկ կազմակերպական զարգացում»
  • « Ապագայի ձեռնարկությունները»:

«Concadora Verlag, Stuttgart» ընկերության համահիմնադիր և սեփականատեր:
«Հեռանկարային մեդիացիա» ամսագրի խմբագրակազմի անդամ:

Ամուսնացած է, ունի 3 երեխա, ապրում է Զալցբուրգում:

Картинки по запросу friedrich glasl

Հանգստի գործունեությունը (հոբբիներ). գրում է պոեզիա, հեքիաթների և ռադիոպիեսների հեղինակ (Միջազգային ռադիոկայանի «Խաղ» մրցանակաբաշխության 1966թ.-ի հաղթող); խաղարկում է պարանի-տիկնիկային շոուներ կնոջ և որոշ ընկերների հետ միասին: (Ֆրիդրիխ Գլազլ)

Գործունեության ներկայիս ֆոկուսները.

  • տարբեր տեսակի կազմակերպությունների համար դիագնոստիկա (օրինակ` ամբողջական դիագնոստիկա ներառելով կազմակերպության բոլոր մասերը, մշակութային դիագնոստիկա, շահագրգիռ կողմերի-կողմնորոշում, համեմատելով համակարգերը միաձուլումների ընթացքում և այլն),
  • տեսլականի, առաքելության, սցենարների և MbO-համակարգերի զարգացում և իրականացում,
  • արժեքի շղթայի, ինչպես նաև աջակցման և կառավարման գործընթացների բարելավում,
  • մեծ խմբերով միջամտությունների (ապագա կոնֆերանսներ, սցենարային սեմինարներ, դիագնոստիկայի կոնֆերանսներ, թույլատրելի ուսուցման պարամետրեր) նախագծում և անցկացում,
  • կազմակերպչական զարգացում խոշոր և կոմպլեքս կազմակերպությունների համար` զարգացնելով անհրաժեշտ արխիտեկտուրան,
  • ծրագրերի իրականացում քաղաքային և կառավարական բարեփոխումների մասով Գերմանիայում, Մեծ Բրիտանիայում, Ավստրիայում, Շվեյցարիայում (քաղաքային, համայնքային, հանրապետական մակարդակներում), ինչպես նաև միջազգային կազմակերպությունների համար,
  • կոնֆլիկտների կառավարում և մեդիացիա քաղաքական համատեքստում, կազմակերպություններում, եկեղեցի կազմակերպությունում, հիվանդանոցներում, նախարարություններում, համալսարաններում, ինչպես նաև կառավարության և բիզնեսի միջև առաջացած խնդիրների, փոքրամասնությունների հակամարտությունների և քաղաքացիական պատերազմների ժամանակ,
  • մեդիացիայի և կոնֆլիկտների կառավարման համար կրթական ֆիլմերի արտադրություն:

Փորձառության ոլորտները (թեմաներ և ծրագրեր) Ֆրիդրիխ Գլազլ

  • արտաքին և ներքին որակավորման ծրագրերի նախագծում, առաջնորդում և իրագործում կազմակերպչական խորհրդատուների համար,
  • արտաքին և ներքին որակավորման ծրագրերի նախագծում, առաջնորդում և իրագործում կոնֆլիկտների կառավման և մեդիացիայի համար,
  • քոուչինգի իրականացում միջազգային կորպորացիաների բարձրաստիճան մենեջերների համար: