ԱյԴի Բանկ

«ԱյԴի Բանկ» ՓԲԸ հիմնադրվել է 1990թ. օգոստոսի 1-ին թեթև արդյունաբերության բնագավառի ձեռնարկությունների կողմից՝ որպես փայատիրական կոմերցիոն բանկ: 1996թ. «Անելիք» փայատիրական առևտրային բանկը գրանցվել է (ՀՀ ԿԲ արտոնագիր No 9) և սկսել է գործել որպես «Անելիք Բանկ» Սահմանափակ Պատասխանատվությամբ Ընկերություն:
«ԱյԴի Բանկ» ՓԲԸ ունիվերսալ առևտրային բանկ է, որն ակտիվ մասնակցություն ու ներդրում ունի երկրի սոցիալ – տնտեսական մակարդակի բարելավման բնագավառում:
2007թ. «Անելիք Բանկ» ՍՊԸ վերակազմավորվել է փակ բաժնետիրական ընկերության:
«Անելիք Բանկ» ՓԲԸ բաժնետերերի 22.12.2017թ. Արտահերթ Ընդհանուր Ժողովի որոշմամբ «Անելիք Բանկ» ՓԲԸ-ն վերանվանվել է «ԱյԴի Բանկ» ՓԲԸ-ի և ս.թ. հունիսի 4-ից ներկայանում է հանրությանը նոր ֆիրմային անունով:

Բանկի առաքելությունն է լինել առաջին ընտրության բանկ հաճախորդների համար՝ որպես լավագույն նորարար բանկ: Բանկը ձգտում է դառնալ առաջատար բանկ ՀՀ ֆինանսական համակարգում`հաճախորդներին տրամադրելով անհատական մոտեցմամբ արդիական թվային լուծումներ։
Բանկը հանդիսանում է Վերակառուցման եւ Զարգացման Եվրոպական Բանկի, Հայ-Գերմանական Հիմնադրամի, ԱՄՆ Գյուղդեպարտամենտի Մարքետինգի աջակցության կազմակերպության, Միջազգային միգրացիոն կազմակերպության, Համաշխարհային Բանկի միջազգային վարկային ծրագրերի մասնակից:
Բանկը հանդիսանում է Հայաստանի Բանկերի միության, SWIFT համակարգի անդամ, «ԱրՔա» ՓԲԸ բաժնետեր, Mastercard եւ Visa համակարգերի անդամ:
Բանկն ունի 14 մասնաճյուղ, որոնք գործում են Երեւանում, Գյումրիում, Աբովյանում, Գավառում, Էջմիածնում, Սեւանում եւ Վանաձորում:
Բանկի բաժնետերերն են՝ Fistoco ընկերությունը (Վարդան Դիլանյան)՝ 60% եւ Credit Bank-ը (Tarek J. Khalefe)`40%:
2017 թ. դեկտեմբերի 31 դրությամբ՝ բանկի ընդհանուր կապիտալը կազմել է 46,806,107 հազ. դրամ, ակտիվները՝ 131,931,343 հազ. դրամ, պարտավորությունները՝ 85,125,236 հազ. դրամ:

Վարչության նախագահի ժամանակավոր պաշտոնակատար Ռուբեն Մելիքյան
Հասցե 0010, Երեւան, Վարդանանց 13
Հեռախոսահամար (010) 59 33 33, (060) 27 33 33
Ֆաքս (010) 59 33 10
Էլ. հասցե info@idbank.am
Վեբկայք http://www.idbank.am

<! — SEO metatags —>

<! — SEO metatags —>