Այսօր՝ հոկտեմբերի 16-ին, Ծաղկաձորում մեկնարկում է «Mining Armenia Forum 2026» երկօրյա համաժողովը, որի շրջանակում Հայաստանի պետական տնտեսագիտական համալսարանը կներկայացնի «Հանքարդյունաբերությունը Հայաստանում․ զարգացման սցենարներ» (Mining in Armenia – Scenarios for Development) թեմայով հետազոտության արդյունքները։
Հետազոտությունն իրականացվում է ՀՊՏՀ-ին տրամադրված դրամաշնորհի շրջանակում և ուղղված է Հայաստանի հանքարդյունաբերության զարգացման հնարավոր սցենարների, ոլորտի տնտեսական ներուժի, ֆինանսական կայունության և երկարաժամկետ զարգացման հեռանկարների ուսումնասիրությանը։ Հետազոտության արդյունքները համաժողովում կներկայացնի տնտեսագիտության թեկնածու, դոցենտ Սուրեն Պարսյանը:
ՀՊՏՀ մասնակցությունը համաժողովին կարևոր հարթակ է գիտական հետազոտությունների արդյունքները մասնագիտական հանրությանը ներկայացնելու, ոլորտի զարգացման հիմնախնդիրների շուրջ քննարկումներ ծավալելու և փորձի փոխանակման համար։
Հետազոտության շրջանակում դիտարկվող զարգացման սցենարները կարող են նպաստել Հայաստանի հանքարդյունաբերության տնտեսական հեռանկարների, ֆինանսական կայունության և երկարաժամկետ զարգացման հնարավորությունների վերաբերյալ մասնագիտական քննարկումների խորացմանը:
