ԵՄ խորհուրդը հաստատել է Հայաստանի հետ առևտրի ժամանակավոր ազատականացումը։ Նոր միջոցառումները ԵՄ-ում հայկական արտահանման մոտ 80%-ը կազատեն մաքսատուրքերից։ Այս մասին ասվում է ԵՄ խորհրդի հայտարարության մեջ։
«Այս միջոցառումները կազատականացնեն ԵՄ-ում հայկական արտահանման մոտ 80%-ը», — նշվում է փաստաթղթում։
Կանոնակարգը նախատեսում է հայկական ապրանքների լայն տեսականու, այդ թվում՝ որոշակի գյուղատնտեսական ապրանքների ներմուծման մաքսատուրքերի ժամանակավոր վերացում։ Նշվում է, որ փաստաթղթի ուժի մեջ մտնելուց հետո միջոցառումները կարող են ուժի մեջ մնալ երկու տարի։ Վերջնական որոշումը կայացնում է Եվրախորհրդարանը. նախագծի վերաբերյալ քվեարկությունը նախատեսված է սեպտեմբերին կայանալիք լիագումար նիստում։
