Evocabank-ը ներդրել է ESG կառավարման համակարգը՝ ամրապնդելով բնապահպանական և սոցիալական ռիսկերի կառավարման գործընթացները։Evocabank-ը կարևորում է բնապահպանական և սոցիալական սկզբունքների ներդրումը՝ դրանք դիտարկելով որպես պատասխանատու և կայուն բանկային գործունեության կարևոր գործոն։
Այս նպատակով Բանկի Խորհրդի կողմից ընդունվել են մի շարք կարևոր որոշումներ՝ ուղղված ESG (Environmental, Social, Governance) սկզբունքների ներդրմանը և բնապահպանական ու սոցիալական ռիսկերի կառավարման գործընթացների ամրապնդմանը։
Բանկի Խորհրդի անդամ Տաթևիկ Ջանոյանը նշանակվել է ESG համակարգող՝ ESG սկզբունքների ներդրումը Բանկում ապահովելու, ինչպես նաև բնապահպանական ու սոցիալական ռիսկերի կառավարման գործընթացներն արդյունավետ համակարգելու նպատակով։
Բանկի Վարչության կողմից վերահաստատվել ու հրապարակվել է Բնապահպանական և սոցիալական կառավարման համակարգը (ԲՍԿՀ), որը սահմանում է բնապահպանական ու սոցիալական ռիսկերի կառավարման հիմնական սկզբունքներն ու մեխանիզմները։
